#冰菜種植 #水耕挑戰 #稀有蔬菜 #室內種植 #沙律菜 成日喺高級沙律吧見到嘅「冰菜」，原來可以自己種？佢表面嗰層好似冰晶嘅露珠，同獨特鹹鮮味，真係令人一試難忘！不過，冰菜一直被譽為「種植難度SS級」🆘，全因種子細過胡椒粉、發芽率飄忽。今次P女成功喺室內水耕機破解種植密碼，種出街市絕對買唔到嘅「原棵冰菜」，仲可以持續收割！立即睇攻略，挑戰你嘅種植功力！ 📖 冰菜冷知識：來自南非嘅「自帶鹽」蔬菜 身世之謎：原名「冰葉日中花」，早期源自南非乾旱地區，屬於多肉植物嘅一種，所以超怕濕！ 市場真相：街市或超市買到嘅，多數係國產貨，而且已經係「分棵」（即側芽），你幾乎見唔到佢原棵主莖係點樣。 自帶調味：葉片上嘅「冰晶」係儲水細胞，天然帶有淡淡鹹味，所以沙律唔使落太多鹽！ 💧 水耕關鍵數據：EC值要高，水位要極低！ 冰菜鍾意「重口味」營養但「細飲」，控制不當好易爛根！ 初期（發芽後）：EC 1000 - 1500 μS/cm → 一發芽就要比充足營養，EC值比一般菜類高！ 中後期：EC 1800-2000 μS/cm → 生長需要大量礦物質，濃度要夠