#新手必試 #慳位種植 #家居種靈芝攻略 環境要求：溫度22-28°C | 濕度60%-85% | 光照 生長期需要微光 成日覺得靈芝好貴好神秘？無錯，街買真係好「肉赤」！所以今次P女決定自己動手，試吓喺屋企用無土種植法種靈芝！原來過程超治癒，好似養寵物一樣，兩個月左右就有收成，仲可以睇住佢每日唔同樣，好有成功感㗎！下面同大家分享全過程，包你一看就明！ 🔍 靈芝都有好多款？點揀好？ 靈芝唔只得一種色！根據傳統分類，主要有赤芝、黑芝、青芝、白芝、黃芝、紫芝六大類。普遍嚟講，赤芝同紫芝比較常見，藥用價值亦較高。新手建議由常見品種開始種，成功率會高啲！ 🌱 靈芝食咩大？原來鍾意「食木碎」！ 靈芝屬於腐生菌，簡單講就係鍾意分解木材纖維。所以種植唔使泥，用木屑、棉籽殼、麥麩、米糠、玉米芯等材料混合做「菌包」就夠！坊間有現成嘅靈芝菌包賣，對新手超級友好，一開即種，唔使自己煩混合材料。 📈 生長周期：兩大階段睇清楚 菌絲生長期（潛伏期）：菌絲喺包內默默生長，打好基礎。 子實體生長期（出菇期）：即係我哋見到嘅靈芝「實體」開始冒出