#植物生長燈 #室內種植 #水耕必備 #種植燈攻略 #新手避坑 想喺室內種嘢，第一關就係要買盞「植物生長燈」。但係市面上款式多到眼花繚亂，價錢可以差天共地，究竟點揀？好多人淨係識講「全光譜」，但其實仲有更多關鍵位，買錯盞燈分分鐘令你啲植物「奀滋滋」甚至徒長死亡！等P女同你拆解，點樣先係一盞「真．有料到」嘅植物生長燈！ 🚨 買燈前必Check四大重點！（唔好只睇光譜！） PAR / PPF / PPFD數值（最重要！關乎植物「食唔食得飽」） 你種緊咩植物（陽性、陰性定耐陰？需求完全唔同！） 你擺放嘅位置本身有幾多光（決定要每日補幾多個鐘） 所謂「全光譜」係咪真係需要？（定係市場噱頭？） 🔬 第一關：破解天文數字 PAR, PPF, PPFD 成日見到呢幾個英文，係咪覺得好深奧？其實用食飯嚟比喻就好易明！ PAR（光合作用有效輻射）：就好似「可以食嘅食物範圍」。指波長400nm-700nm呢個範圍嘅光，植物先可以用嚟進行光合作用。呢個範圍嘅光，人眼都睇到㗎。 PPF（光合作用光子通量）：可以理解成盞燈總共射出幾多「光粒子」（光子）。單位係μmol