【🌱環保慳家DIY】膠樽變水耕神器！7步極簡教學

#水耕DIY #膠樽升級再造 #窮人恩物 #新手種植 #香港環保

成日以為玩水耕一定要買部水耕機？🤯 少年你太年輕啦！其實學識咗水耕原理之後，一個飲完嘅膠樽已經可以變身成你嘅「私人菜園」！😎 唔使鋸木、唔使駁喉，$0成本、5分鐘搞掂，仲可以親子同樂。

跟住以下7步，由今日開始，飲完嘅樽唔好再掉落回收箱——佢嘅第二人生，就係幫你種出新鮮沙律菜！🥗 慳家、環保、又治癒，仲唔快啲跟住P女動手？👇

---

🛒 材料/用具清單

• 飲品膠樽（飲完重用）

• 剪刀

• 植物苗（可參考45秒極速學懂水耕！由種子到收成 零失敗全記錄）

---

👩‍👧‍👦 7步製作過程

STEP 1️⃣：「咔嚓」一刀！✂️ 喺膠樽頂部約三分一位置落剪，唔好心急，慢慢剪就得。記住要扭開樽蓋呀

STEP 2️⃣：將剪落嚟嘅樽口部分倒轉，好似戴帽咁笠返入樽身。呢個「倒扣大法」係成個DIY嘅靈魂，零螺絲、零膠水，夠晒佛系！🙏

STEP 3️⃣：登登登凳！一個完美嘅水耕膠樽誕生🎉。上層係「育苗室」，下層係「水庫」，$0成本，勁過IKEA！🤣

STEP 4️⃣：拎起已經發好芽嘅菜苗BB🌱，小心咁將佢啲根插入水耕海綿嘅十字裂縫。固定好根部，溫柔啲，佢係你未來嘅沙律！🥗

STEP 5️⃣：將「入住」咗海綿嘅小苗塞入樽口，然後調整水位，確保海綿底部啱啱掂到水面（唔好浸過龍，否則爛根）。呢個「若即若離」嘅水位，就係成功嘅關鍵！🤫仲有記得水一定要浸到根，水係會揮發㗎，所以最好日日睇下夠唔夠水。

STEP 6️⃣：拎起上層嘅「育苗室」，喺下層滴入水耕營養液。記住 「唔好一次過落太多」，寧淡莫濃，EC值需要按照自己種乜就呀，好似依家種沙律菜EC值就要1000-1500μS/cm就夠。滴完之後搞勻，再組合返兩層～💧

STEP 7️⃣：最後一招：搵個牛皮紙袋笠住個樽！📦 點解？因為光線會令營養液生青苔，笠住可以 遮光防藻。如果想靚仔啲，可以用顏色紙包裝，變身文青風水耕瓶～🎨

---

💡 P女小提醒：

• 每星期換一次水，順便清潔樽內壁。

• 如果無EC測試筆就每星期換已較好EC值的營養水，用量杯按比例調較。如果有EC測試筆就定時加水，因為水會揮發，咁就更環保啦

• 記得要放喺窗邊比植物做光合作用呀。

THE END