#羅勒種植 #水耕香草 #九層塔 #青醬食譜 #室內種植 想喺屋企隨時有新鮮香草用？羅勒（九層塔）絕對係你嘅首選！🌱 佢粗生、快大、愈剪愈旺，香氣濃郁，煮意大利麵、泰式打拋豬、台灣三杯雞都必不可少！今次P女就同大家分享，點樣用水耕方法，輕鬆種出爆盆羅勒，仲附上超簡易自製青醬食譜，由種植到入廚一手包辦！ 📖 羅勒小百科：唔止得一種！ 通用名：羅勒，又名九層塔、金不換，係香草界嘅明星。 外形特徵：植株一般高20-60cm，葉片卵形對生，分枝性強，開紫色小花。 品種多樣： 甜羅勒（意大利羅勒）：葉片圓大，香氣溫和，最常用於西餐，做青醬必選！ 泰國羅勒：葉尖有細鋸齒，帶有獨特八角茴香氣，用於泰國、越南菜。 紫羅勒：葉片呈紫紅色，觀賞性高，香氣較濃烈。 檸檬羅勒：帶有清新檸檬香氣。 💧 水耕關鍵數據：EC值要溫和 羅勒唔算大食，營養液濃度（EC值）可以溫和啲： 初期（發芽後）：EC 500 - 800 μS/cm → 幼苗期唔好太濃，溫柔啲。 中後期（生長期）：EC 800 - 1100 μS/cm → 開始快速生長，可以「加多啲餸」。 🌱 種