#垂直耕種 #水耕琉璃苣 #可食用花卉 #居家香草園 #種植打卡 想喺屋企種一棵既靚又食得嘅植物？琉璃苣絕對係你嘅「打卡able」之選！🌸 佢唔止花朵似閃亮嘅琉璃，連葉同花都可以食，味道似青瓜，清新又特別。今次P女就用KES1.0/2.0垂直農場同大家分享種植全記錄，等你可以輕鬆擁有屬於自己嘅「可食用花園」！ 📖 琉璃苣小檔案 外形：植株高大，通常高60-100厘米，莖葉佈滿細小毛刺，摸上手有少少「拮拮地」。 花朵：經典係超靚嘅星空藍色，5片花瓣，但都有粉色或白色變種（今次P女種嘅就係浪漫粉色！）。夏天係主要花期，但如果環境溫暖，可以幾乎全年開花。 特性：可以「自花授粉」，即係同株花朵互相授粉後，會結出似小堅果嘅種子，方便你留種下一代！ 💧 水耕關鍵數據 水耕成功關鍵在於控制營養液濃度（EC值）。記低以下數值，適時調整： 初期（發芽後）：800 - 1100μS/cm →幼苗BB期，濃度唔好太高，等佢適應環境。 中期（快速生長）：1100 - 1500μS/cm →植株開始茂盛，需要更多營養「發育」。記得要打頂！ 花期：1500 - 180