#水耕教學 #無土栽培 #都市農耕 #室內種植 #科技種菜 成日聽人講「水耕種植」，但又唔知係咩嚟？以為好複雜好高科技？唔使驚！等P女用最貼地嘅方法同你拆解，話你知點解咁多香港人，甚至連餐廳、商場、學校、家裡都開始玩水耕！唔使泥、唔使田，喺屋企窗台都可以自給自足，到底係點做到？即刻睇落去！ 💧 一句講晒：水耕種植係咩？ 水耕種植（Hydroponics）簡單講就係 「無土種植」 。唔使用泥，直接將植物嘅根浸喺加咗營養嘅水度，等佢吸收養分生長。就好似俾植物打「營養點滴」一樣，精準又乾淨！ 🔬 水耕點樣work？兩種主流玩法 純水養：植物根部直接浸喺流動或靜止嘅水裡面，完全唔使用任何介質。最乾淨直接。適合觀賞類植物，例如富貴竹、 黃金葛、銅錢草、風信子、水仙等） 介質輔助：用一啲唔提供養分、只用作固定根部嘅材料（例如：種植棉、陶粒、椰槺、岩棉等），然後再定期灌溉營養液。好處係根部更穩固，透氣亦更好。適合種植食用類植物。 🍓 水耕可以種啲咩？多到你唔信！ 基本上，大部分短周期、但大多數食用類為主嘅植物都適合： 葉菜類：生菜、菠菜、羽衣甘藍、羅馬